افرش منزلك بكلفة ما تتعدى 12,000 ريال

أنا وعائلتي

افرش منزلك بكلفة ما تتعدى 12,000 ريال

المفاهيم البنكية للأفراد

7٬224

مشاهدة

تم النشر 24-06-2019

7٬224

“وراء كل تصميم عظيم ميزانية صغيرة…”

كم واحد منّا يتمنى لو أن هذه المقولة حقيقية؟ فاليوم إذا ذهبت إلى الأسواق لتشتري التصاميم الأنيقة ستكون ضحيةً للتكاليف العالية. وحتى لو تدفع بالتقسيط سوف ترتفع الكلفة أكثر بعد بسبب الفوائد. لكن لا عليك، راح نعطيك شوية إرشادات بسيطة عشان تفرش بيتك بأجمل ما يكون وبميزانية ما تتعدى 12,000 ريال سعودي.

1) اتبع الموضة

هل فيه أسهل من دي النصيحة؟ صيحات التصاميم الحديثة لفرش البيت تعتمد على مبدأ البساطة أو اللي نسمّيه بالـ “مينيمال،” حتى تزيد المساحات الحرّة بأقل عدد ممكن من الأثاث والاكسسوار. يعني لا تشتري غير القطع الأساسية اللي تحتاجها مع شوية حركة بسيطة في ألوان الجدار أو مثلاً ستارة أسلوبها مختلف أو سجادة تختارها بنقشة مميزة عشان تعطيك أناقة في كل أركان الغرفة. كمان تستطيع وضع الزرع والنباتات حتى تضفي الحيوية والجمال الطبيعي على المكان.

2) فكّر بعملية

لا تبني خياراتك على الجمال وبس وتشتري أشياء ممكن تتلف بسرعة مع الوقت. خلي خياراتك عملية وفكّر على المدى الطويل، على انك تستثمر أموالك وليس فقط تنفقها. مثلاً لا تشتري أريكة من دون مسند ظهر أو ذراع فقط لأنها ظريفة لكن روح للمفروشات الجميلة والمريحة في نفس الوقت والمصنوعة من اسفنج وأقمشة متينة. كمان، لا تحط خزانة صحون في غرفة الطعام من دون ما تحسب عدد الأواني اللي تحتاج تشتريها عشان لا تبان الخزانة مو حلوة وفارغة من الداخل.

3) اعتمد تعدّد الاستخدامات

خلي مخيّلتك والتصميم الذكي للمفروشات يدلوك على الأثاث المتعدد الاستخدامات. بكدا، أنت تقلّل من عدد الأشياء اللي راح تشتريها ومن الكلفة أيضاً، وبنفس الوقت تزيد المساحات الحرّة التي تجمّل بيتك من دون ما تتنازل عن ذوقك أو راحتك واحتياجاتك. مثلاً لا تحتفظ بطاولة رخامية كبيرة ما مداك تنقلها بسهولة لكن اشتري طاولة خشبية داخلها طاولات ثانية بأحجام مختلفة، أو اختار سرير مداك تفتحه من أسفل الفرشة عشان ترتّب الأغراض اللي ما تستخدمها غالباً في داخله. مداك كمان تشتري الكنبة اللي تتحول بحركة بسيطة إلى سرير؛ والأمثلة على الخيارات المشابهة ما تنتهي.

4) اشترِ ما تحتاجه فقط

ممكن ما تشوف أهمية هذه النصيحة، فهي تبان بديهية، مو كدا؟ لكنك راح تتفاجأ بعدد الأشياء اللي نشتريها من دون ما نكون بحاجتها. مثلاً لمن تشتري جهاز المشي اللي نشوفه في الأندية الرياضية وتحوّله بعدين لمكان تحط عليه أغراضك فقط، أو لمن تشتري طاولة للتلفاز بدل ما تعلقه على الجدار أو تشتري للكنب عدداً إضافياً من المخدات اللي مداك تستغني عنها بسهولة.

5) اشترِ أثاثاً مستعملاً

ممكن تندهش من جودة الأثاث المستعمل. ما تترد إنك تشتريه لأن الفرش المتين يتحدى عامل الزمن حتى أنه مداك تحطه مثل ما هو في بيتك. وأحياناً ممكن يحتاج بعض التحسينات غير المكلفة، مثلاً إعادة طلاء الخشب عشان تخفي الخدوش أو تجديد الاسفنج وقماش الكنب عشان يتماشى مع ديكور الغرفة. وأنت هكذا لا توفّر المال فقط بل تقضي أوقات مسلّية تصلّح الفرش سواءً لحالك أو بمساعدة العائلة والأصحاب. ينطبق دا كمان على فرشك القديم، فإذا لن تحتاجه بعد الآن أو لم يعد يناسب خياراتك الجديدة، مداك تبيعه عن طريق موقع أوليكس مثلاً وتستبدله بفرش آخر يناسبك أكثر.

6) تسوّق أونلاين

التسوق الإلكتروني له فوائد كثيرة على أصحاب الميزانيات المحدودة، فهو يقدّم لك خيارات واسعة بمختلف التكاليف عشان تحدد معدّل الأسعار في السوق وتطّلع على كل الأفكار اللي تعطيك أناقة أكثر بتكلفة أقل، خصوصاً إذا ما كان للموقع متجر فعلي بمعنى أن صاحبه ما يدفع كلفة الإيجار ويضيف نسبة منها إلى تكلفة المنتجات. حتى طرق البحث عبر الإنترنت صارت أكثر صديقة للاستخدام مثل ايكيا، حراج، سوق، وهوم سنتر، على سبيل المثال لا الحصر، حيث تقترح عليك منتجات تشبه ما تبحث عنه وتزيد الخيارات قدامك. أخيراً التسوق الإلكتروني يخليك تحصل على عروض حصرية من أسعار مخفّضة وخدمات تركيب مجانية وغيرها من المميزات.

هي أفعال بديهية لكنك تسوي خطأ واحد منها على الأقل. صح؟ ودحين بعد ما شفت الأخطاء اللي يجب تتجنّبها، فتأكّد أن الكنبة التي كنت تجلس عليها عشان تراجع الفاتورة، حتصير من اليوم ورايح الكنبة المخصصة حتى تسترخي وبالك مرتاح.

أخطاء تزيد مصروف التسوق دون أن تعلم

المنشور السابق

ست طاقات من الأمل باستثمار طاقات المرأة السعودية

المقبل بوست