إزهلها علينا.. وتعرّف على طريقة إعداد خطة مالية للعام الجديد

التخطيط المالي غير مصنف

إزهلها علينا.. وتعرّف على طريقة إعداد خطة مالية للعام الجديد

المفاهيم البنكية للأفراد

5٬722

مشاهدة

تم النشر 18-03-2019

5٬722

يقول أحد المشاهير إن الشخص الذي لا يخطط قد ينجح لكن الصعوبات والعقبات والمشاكل اللي تواجهه راح تكون أكثر وأشد من اللي تواجه الشخص اللي عنده خطة وهدف واضحين، عشان كدا ومع بداية العام الجديد والاستعداد له واللي نتمنى فيه وافر الحظ والتوفيق فيه إن شاء الله، تحتاج تسوي خطة مالية للعام الجديد، في الحالة هذه لازم تسأل نفسك شوية أسئلة مثل كيف تدير رأس مالك بأفضل طريقة؟، وكيف تبني خطة حسب وضعك المالي؟، كمان تقدر تدخر شوية أموال عشان تستغلها في الإجازة الصيفية، عشان كدا إزهلها علينا وما تشيل هم، كل هذا راح نستعرض معكم عبر هذا المقال واللي بيختصر عليكم الموضوع ويسهلكم وضع الخطة.

ليش لا بد من وضع خطة مالية للعام الجديد؟

وضعك لخطة مالية للعام الجديد شيء مهم جداً ليش؟! لأن الشغلة هذه راح تساعدك إنك تحقق أهدافك وتركز عليها، كمان بتعلمك كيف تتخطى العوائق اللي ممكن تواجهك خلال العام، والأهم من كدا إنها ستوجّهك للطريق الصحيح وتبعدك عن الأخطاء، كمان بتخليك تعرف إمكانياتك المالية بشكل أفضل، وتتحكم في مصروفاتك بطريقة تمشي مع دخلك، غير كدا التخطيط بيساعدك على الادخار وتوفير المال.

وش طريقة إعداد خطة مالية للعام الجديد؟

يفضل بأن تقوم بها بنفسك لأنها ممارسة هامة للغاية، راح تفيدك بالكثير من المهارات المهمة، ويمكنك وضع خطتك المالية عن طريق اتباع بعض الخطوات التالية:

1. إيش وضعك المالي؟

أولاً لازم أن تحدد وضعك المالي وتعرف إيش وضعه، وهذا بيتم عن طريق تحديد ما تمتلكه في الوقت الحالي، وتشمل كل شيء كسيارتك ومنزلك وما تمتلكه من قروش حتى الموجودة في حساباتك المصرفية، كمان لابد أن تتضمن ما عليك من التزامات وديون كالفواتير المطلوب تسديدها والقروض وتحديد مواعيد الدفعات، الزبدة يبيلك تحدد قيمة ثروتك الحالية عن طريق جمع الممتلكات وبعدين تطرح الالتزامات، عشان يتبقى لك صافي ثروتك وتعرف إذا ما كانت ممتلكاتك أكثر مما عليك من التزامات أو العكس.

2. حدد أهدافك للسنة الجديدة بوضوح

عليك وضع أهداف يمكنك تحقيقها في خلال السنة، وبعدين تقسم أهدافك الكبرى إلى عدة مراحل عشان يكون الطرق سهل للوصول لها، يعني مثلاً إذا ودك تشتري منزل نهاية العام، قسم المبلغ اللي تحتاج على مبالغ صغيرة شهرية تقدر تخصمها من الراتب. وما تنسى تراجع نفسك أول بأول وتحدد إيش أهمية قيمة المال بالنسبة لك، كما تحتاج تسأل نفسك ليش تبي قروش، الإجابات هذه كلها راح تساعدك على إعادة ترتيب أولويات أهدافك.

3. ما هي الخيارات المتاحة أمامك؟

أسئلة تحتاج تسألها لنفسك، إجابات الأسئلة هذه راح تساعدك على إعادة النظر على وضعك الحالي، زي، ماهي الخيارات المتاحة أمامك لتحقق تلك الأهداف؟ وهل راح تستخدم الموارد الحالية بس؟ أم لا بد من وسيلة إضافية؟ عليك بإعادة النظر إلى البدائل اللي عندك، فممكن تجد عملًا بديلًا من خلاله تقدر تحصل مزيد من الأموال، أو توسيع نشاطك الحالي، أو حتى تغيير مسارك المهني كليًا إذا أُتيحت لك الفرصة لذلك.

4. الإرادة في التنفيذ

العزيمة والإرادة في الموضوع عاملين أساسيين هذا لأنه بدون عزيمة وإرادة حقيقية بداخلك ما راح تقدر تحقق أي هدف وستعيش حياة سلبية مليئة بالعقبات، عشان كدا تحتاج تبتعد عن هواجس صعوبة تنفيذ ووضع الخطة لأنه بالإرادة والعزيمة راح تعيش حياة مستقرة خالية من المشاكل والأزمات المالية.

#نصيحة_ريالي: التخطيط المالي للعام الجديد شيء مهم جداً لأنها هذه راح تساعدك في تحقيق أهدافك، وبتعلمك كيف تتخطى العوائق اللي ممكن تواجهك خلال العام.

7 خطوات تقلل من خسائر الأمطار الغزيرة والسيول

المنشور السابق

هذه أسباب زيادة الإنفاق في رمضان

6 نصائح لتوفير المال لقضاء عطلة الصَّيف يختلفُ الناس فيما بينهم على كيفيّة قضاء عطلة الصَّيف. فهناك من يرغب في السفر والاستمتاع بزيارة بُلدان…

اقرأ أكثر

متابعين

47,589 likes

95.5K followers

45.2K followers

4.5K subscribers

1063 followers

ريالي للوعي المالي

تابع حساباتنا

‎Riyali ريالي | برنامج الوعي المالي‎