كيف تقارن بين السيارة الجديدة والمستعملة من حيث المزايا والتكلفة؟

التخطيط المالي

كيف تقارن بين السيارة الجديدة والمستعملة من حيث المزايا والتكلفة؟

المفاهيم البنكية للأفراد

8٬258

مشاهدة

تم النشر 29-08-2018

8٬258

لما تبغى تشتري سيارة راح تكون متحير بين خيارات كثيرة من السيارات. وإذا حددت نوع السيارة حيكون عندك خيار إما تشتريها جديدة ولا مستعملة؟. قرارك مهم وراح يأثر على راحة بالك ووضعك المادي في السنوات الجاية. هنا راح نشوف العوامل اللي تساعدك على تحديد أفضل خيار لك من ناحية المزايا والتكلفة.

أيهما أفضل شراء سيارة جديدة أو مستعملة؟!

1. التكلفة
تكلفة السيارة الجديدة أكيد بتكون أعلى من تكلفة السيارة القديمة، لكن إذا اشتريت سيارة تحتاج إلى إصلاح، احتمال تكلفك أكثر من الفرق اللي وفرته لما اخترت تشتري سيارة قديمة.
2. تكلفة الاقتراض
العروض اللي تقدمها شركات التمويل والبنوك تكون غالبًا على السيارات الجديدة لدى المعارض، وتقدر تستفيد من العروض هذي عشان تقل عليك تكلفة السيارة، بعكس السيارات المستعملة.
3. سجل الحوادث للسيارة
السيارة الجديدة تضمن أنه ما صار لها حوادث أو استخدام سيئ ممكن يأثر عليها أو يخليها تحتاج لصيانة وقطع غيار لكن السيارة القديمة ممكن تحتاج لصيانة مكلفة وقطع غيار غالية تزيد عليك من تكلفة السيارة.
4. امتلاك سيارة ليس استثمار
السيارات من الأصول اللي بيكون لها نسبة استهلاك والتي تقل قيمتها مع مرور الوقت والاستخدام، وبالتالي إذا قررت بيع السيارة الجديدة ستضطر إلى خسارة جزء من قيمة السيارة بينما السيارة المستعملة سعرها ثابت أو أن هناك فروقات بسيطة وبالتالي إذا كانت لديك نية في بيع السيارة فالسيارة الجديدة خيار غير صحيح لأن قيمتها تقل مع الوقت والاستخدام وراح تخسر جزء كبير من قيمتها لكن السيارة المستعملة راح يكون سعر بيعها في الغالب قريب من سعر شراءها.
5. التحديثات والتقنيات
التقنيات الموجودة في السيارات الجديدة تساعدك على تخفيض التكاليف على المدى البعيد مثل اقتصاد الوقود وغيرها، أما السيارات القديمة يمكن تكونتكاليفها أكثر لأن ما فيها هذي التقنيات.
6. الضمان
السيارة الجديدة يشملها ضمان من المعرض المعتمد أو الشركة المصنعة، لكن الضمان للسيارة المستعملة إذا توفر، راح يكون بقيمة إضافية.
7. تكلفة التأمين
من الأشياء اللي مفروض تأخذ حسابها تكلفة التأمين. ممكن السيارة الجديدة يجي معها عرض تأمين مجاني. بالتالي أن السيارة الجديدة أفضل من ناحية التأمين. وفي المقابل إذا كان ما فيه عرض خاص بالتأمين فالأفضل شراء السيارة المستعملة لأن تأمينها في الغالب أرخص.
8. الصيانة
السيارات الجديدة في الغالب ما تحتاج صيانة في السنوات الأولى؛ وحتى لو كان فيه صيانة غالباً تقدمها لك الوكالة مجاناً.
9. اختيار مواصفات محددة
السيارة الجديدة تعطيك خيارات كثيرة في اللون والمواصفات لكن المستعملة تكون أقل بطبيعة الحال وتحتاج أنك تتأقلم مع الخيارات المحدودة في اللون والمواصفات وغيرها.