الآباء يقولوا “الايجار دم فاسد.” لكن لو كنت تبا تسكن في منطقة معينة بغرض العمل أو لمدة معينة، غالبًا ما راح تستأجر؟ لكن القرار مو دائماً بدي السهولة ولكل من الشراء والايجار عيوبه وميزاته، راح نعطيك 5 نقاط تحطها في بالك:
1. التكاليف
إذا تبغى تستأجر بيت، ما راح تدفع غير مبلغ صغير في كل شهر. أما إذا تبغى تشتري البيت، راح تدفع دفعة أولى كبيرة جداً ممكن تكون 25% من قيمة البيت، بعدها راح تدفع دفعات القرض السكني الشهرية واللي حتكون عادةً أعلى من قيمة الايجار، وراح تتحمل تكاليف التشطيب والفرش والصيانة والفوائد والضرائب.
2. الاستثمار
إذا كنت تبغى تسكن في بيت أكثر من 5 سنوات، شراءه هو أكيد بيكون الاختيار الأوفر على المدى الطويل. وبعد تسديد الدفعات، يكون عندك ما يعرف بالأصل العقاري، يعني يمديك تبيع البيت بسعر أعلى حسب وضع السوق أو على الأقل مداك تأجره وتستفيد من دخل شهري إضافي.
3. ديكور المنزل
تخيّل أنك لقيت بيت تستأجره بسعر ممتاز لكن فرشه رديء وألوانه باهتة. وما مداك تسوي أي تغييرات مهما كانت بسيطة لأنك مو المالك الأساسي. ولو افترضنا أن مالك المنزل كان لطيف وما منعك انك تسوي بعض التعديلات، لمن تسويها ، لمين راح ستدفع التكاليف؟ للمستأجرين اللي بعدك؟ تذكّر أنك ما تملك هذا البيت!
4. الاستقرار النفسي
قد ايش راح تحس بالراحة والاستقرار لمن تسكن بيت تعرف أنه صار ملكك، ما راح يدق عليك أحد الباب في يوم من الأيام عشان يقول لك “اطلع من البيت بنهاية الشهر.” وإذا كان عندك عائلة، راح ينعكس هذا الاستقرار النفسي على كل أفراد الاسرة غير الشعور بالانتماء إلى المكان.
5. مرونة الانتقال
طيب وإذا حصلك ظرف طارئ وأنت من قال لنفسه “لازم انقل من البيت بنهاية هذا الشهر.” ممكن يكون تغيير في مكان عملك أو في مدرسة أولادك أو مشاكل مع الجيران أو اكتشفت مشاكل أساسية في بنيان البيت أو لا قدّر الله أزمة مادية تخليك تقلل نفقاتك. في دي الحالة، مرونة الانتقال في الايجار فعلا ميزة جوهرية.
تختلف الآراء في سؤال “أشتري أو أستأجر؟” ومن الصعب أنك تختار واحدة من دون ما تدقق في كافة التفاصيل. عشان كدة، ابدأ مع النقاط اللي فوق عشان تفهم أولوياتك لما تسكن في بيت جديد، وإلى جانب دراستك لوضعك المادي لا تنسى تقيم مكان السكن والبيئة المحيطة به والخدمات المتوفرة بقربه.
أشتري أم أستأجر؟ أيهما الأفضل في 5 مقارنات
