5 عادات تحقق أمنية ”لو كان معي مليون ريال“

”بس لو كان عندي مليون ريال“!! كم واحد سمعته يقولها من قبل؟ أو كم مرّة قلتها أنت بنفسك؟ مو لازم حب الثراء لكن رغبةً في راحة البال والاستقرار اللي تشعر به اذا تمتلك مال فوق حاجتك. فإذا حبيت أنك تساعد صديق، لا تتردّد. إذا كنت تبغى تعلّم أولادك مهارات أو دورات جديدة ما راح تهتم للتكاليف. إذا جاتك أي مشكلة، الفلوس راح تسهّل عليك أمورك في أغلب المرّات.
الزبادة توفّر الفلوس الفائضة شيء يحتاجوه الكثير من الأشخاص، لكن قليل اللي يعرف أن الادخار هو أضمن طريق . حتّى لو ما راح تعمل لهدف المليون، ادخارك لمبلغ كبير ممكن يعطيك الراحة النفسية اللي يقصدها بعض الناس لمن يتكلموا عن المليون. تعالَ نتعلّم من الخبراء 5 عادات ضرورية في الادخار.
1.احتفظ بقلم ”ماركر“ في الحمام
بريانا فايرستون، مدربة حياتية ومالية
إذا تشتري منتجات العناية بالبشرة مثلاً، اكتب عليها سعرها وتاريخ استخدامك لها. بكدا راح تقدر في المرة الجاية من اختيار العروض التوفيرية المناسبة لشراء نفس السلعة. أما لما تعرف المدة اللي بتخدمك فيها هذه السلعة، راح تقدر تحدد إذا كانت خيار شرائي جيد. فليش ما تعمل كدا مع بقية السلع كمان؟
2.حدّد أياماً من ”اللا-إنفاق“
شانون مكلاي، المؤسس والرئيس التنفيذي لـ Financial Gym
حسب ظرفك، ممكن تحدّد شهر أو أسبوع أو كم يوم عشان تعلن إضرابك عن الإنفاق. هو تحدٍّ رهيب ممكن تجريه مع أفراد الأسرة أو تتحدّى فيه نفسك عشان تضبط أهدافك المالية وتحط خطط الادخار القادمة. بعض عملاء شانون وفّروا بهذه الطريقة 180 ريالاً في اليوم وبعضهم وفّر 11,250 ريالاً في الشهر.
3.استغل ديونك المسدّدة لتدّخر أكثر
بروك نابي وكي، مديرة التخطيط المالي في Crescendo Wealth Management
إذا انتهيت من دفع أقساط دراستك أو سيارتك أو بيتم أو أي دين آخر، استمر في دفع هذه الأقساط، لكن لحساب مدّخراتك. ممكن تستخدم هذه الأقساط في المستقبل عشان تكون جزء من حساب التقاعد أو الطوارئ أو استثمارات جاية أو أي خطة مالية ثانية. دامك قادر على تخصيص هذا المبلغ من راتبك في الماضي، الأغلب أنّك لقيت الطريقة المناسبة عشان تستمر.
4.إشترِ واحداً وادّخر ثمنه بالمقابل
كريستين وونغ، مؤلفة كتاب Get Money: Live the Life You Want, Not Just the Life You Can
يساعدك هذا المبدأ في تخفيض نفقاتك والسيطرة على الإنفاق العاطفي بشكل خاص. إذا كنت محتار في شراء وحدة من الأشياء اللي تعجبك لكنها مو ضمن الخطة المالية اللي حطيتها ، مثل قطعة ملابس، ايش راح تسوي؟ إمّا تمنع نفسك عنها وإمّا تشتريها مقابل أنك تدّخر قيمتها، وبكدا راح تكون كسبت في الحالتين.
5.اعتمد الاستخدامات الإضافية والمتعددة
جوليان سوندرز، شريك مؤسس لإحدى المدونات المالية
بسبب خبرته كطباخ سابق، يعتقد جوليان أنّ الاستخدامات المختلفة للأشياء أمر أساسي عشان تحد من الهدر وتوفر المشتريات في نفس الوقت. فإذا لاحظت أنّه عندك فاكهة ما أكلتها وهي بتقرب من التلف، استخدامها عشان تسوي الحلا بدل ما تشتري الشوكولاتة مثلاً. ممكن تعتمد هذه الطريقة من التفكير برا المطبخ كمان، في دولابك أو في المنتجات الإلكترونية وغيرها.
أما ريالي، كخبراء في الإدارة المالية، فماذا يقولون؟
إذا كنت تبغى تحدد الشيء المشترك بين كل النصائح فوق، راح تلاقي أنّه السر في ” الادخار“. كل ما عملت ممارسات مالية بدون مجهود فكري، أنت بتمنع الظروف الخارجية المتغيرة أو التقلبات النفسية من أنها تأثر على سلوكك، كدة راح يكون اجتهادك في الادخار هو أفضل شيء يوديك للنجاح في الإدارة المالية.