5 علامات تشير أنك مستعد مادياً للزواج

تحذير: يتضمّن هذا المقال بعض الوقائع اللي مكن ما تبغى تسمعها لكن لازم تعرفها عشان تعيش في تبات ونبات.
في التحضير للزواج عوامل كثيرة لازم تاخاذها في الاعتبار بعيد عن الحياة العاطفية والاجتماعية اللي تجمع اثنين. عشان ما ينصدم زواجك بأي عوائق مادية، هذه 5 علامات تؤكّد استعدادك لهذه الخطوة السعيدة.
1. بحوزتك تكلفة الزفاف وشهر العسل بعيداً عن الديون
الوضع المثالي في الزواج أنك تبدأ مشوارك بدون ديون. فإذا بديت بالديون كإنك زي اللي يخطو خطوة لقدام ويرجع 10 خطوات وراء. في نفس الوقت تقدّم لك البنوك تمويل مخصص للزواج، تأكّد انك تختار هذا الحل بعد ما تسوي أقصى جهد شخصي. يعني بعد ما تدّخر قد ما تقدر وبعد ما تخفّض مصاريف الزواج وشهر العسل لأقصى حد، خصوصا أنه يتوفّر اليوم الكثير من البدائل عشان تتحكّم بهذه المصاريف. اللي عليك هو أنك تدرس خياراتك بشكل جيد!
2. أمّنت تكلفة المنزل بشكل أوّلي؟
تشكّل تكلفة البيت وحدة من الاعتبارات المادية الأساسية قبل تفكر بالزواج خصوصا أنه يحدّد الكثير بعدين زي القدرة الشرائية للعائلة، والاستعداد المادي لإنجاب الأولاد، وحاجة الزوجين للعمل خارج البيت، وكيفية تقضية العطل وغيرها من الأمور اليومية الواضحة وحتى البسيطة منها. عشان كدا ننصحك بالتخفيف من هم السكن المناسب قد ما تقدر ، إما بادخار تكلفة الإيجار لثلاثة أشهر من قبلها على الأقل إذا كنت راح تستأجر بيت أو الدفعة الأولى إذا كنت تنوي تشتري البيت وتقسط قيمته. هذا المقال راح يساعدك على اختيار الأفضل لك بين الإثنين.
3. درست التغييرات ووضعت الخطط المناسبة
يغيّر الزواج نمط حياتك المادية بشكل مختلف بحيث تستجدّ قدامك مصاريف إضافية مثل بعض الاشتراكات والأدوات المنزلية والمصاريف المرتبطة بمتطلبات حياتك الاجتماعية الجديدة، غير مصاريف الأطفال في وقت متأخر. عشان كدا لازم تدرس كل هذه المصاريف من قبل وتحط خطط مناسبة لها، زي أنك تلاقي مصدر جديد للدخل أو أن توحّد الجهود مع شريكك أو تفرش منزلك بطريقة أنيقة لكن غير مكلفة وغيرها من التحضيرات المسبقة لاستقبال المولود الجديد. ممكن يكون الأمر متعب في البداية لكنه ما يتطلب منكم غير ضبط التوقّعات، وتحددوا قدرتكم الشرائية ومدى مناسبتها لحاجاتكم الفعلية.
4. ادخرت مبلغاً للطوارئ
راح يكون هذا المبلغ حصانتك ضد كل المدفوعات المفاجئة وغير السارة اللي ممكن تطلعلك زي فقدان الوظيفة، أو تعطّل سيارتك أو أي حاجة صحية غير متوقعة أو ممكن حاجتك للسفر عشان لا تكون كل الخيارات متشائمة، خصوصا أنها احتمالات واقعية وممكن تصيب الجميع. لكن خصوصا لو كنت متزوج ، المسؤولية صارت متضاعفة عليك وما تعنيك لحالك. عشان كدا احسب جميع مصاريفك الشهرية بدون ما تشمل الكماليات زي الخروج للعشاء أو الهدايا، وادخر هذا المبلغ للأشهر الثلاثة الجاية على الأقل.
5. اتفقت مع الشريك على كل التفاصيل المادية
الكل عنده شخصيته المادية الخاصة، بحيث لكل واحد طباع وأفكار وعادات معينة. عشان كدا من المهم أنك تناقش هذه الشخصيات عشان تلاقي النقاط المشتركة في الأمور المادية عديدة مثل توزيع المسؤوليات، ترتيب الأولويات، ومعدّل المصروف الشهري وغيرها. فهذا ممكن يساعدكم في وضع خطط مالية واضحة و تمتين الثقة بينكم والأهم أنكم تجنّبوا الخلافات المادية الكبيرة في المستقبل لا سمح الله. سوي المناقشات في وقت مبكر قبل الزواج و خليه روتين أسبوعي أو شهري عشان تعيش حياة سعيدة ما توقف قدامها المادة لكن تغذّيها روح الشراكة في كل الجوانب .