رمضان كريم! هو الشهر اللي ننتظره من سنة للثانية عشان تحلّ علينا البركة والطمأنينة في مختلف جوانب حياتنا. تعالوا نتأمل بشكل سريع في 5 نصائح مالية تجعلنا وتجعل كل الناس حولنا تقول: أنا #فرحان_برمضان.
1. احسبها
ادرس عملياتك الشرائية حسب قائمة السلع اللي تحتاجها والمتاجر اللي راح تروحلها بشكل تقريبي للميزانية.
أضرار التسوق غير المدروس ما تكون مادية وبس عن طريق زيادة معدّل نفقاتك وإضعاف قدرتك على الادخار. ممكن تكون على مستوى عاطفي كمان لأنّ التسوّق الاعتباطي ممكن يضيّع وقتك، ويجبرك على الخيارات السريعة، ممكن تشعر برضى أقل مقارنةً بالرضى اللي تلاقيه إذا تشتري سلع شعرت تحتاجها.
2. انسحب
حدد معايير المناسبات اللي ترتاح لتواجدك فيها وانسحب من كل اللي يخالف هذه المعايير.
أنك تعتذر أو تتراجع عن مشروع معيّن هو فرصة عشان تختار اللي يناسبك أكثر في المقابل. فإذا كانت الدعوة للإفطار عند واحد من الناس أو خارج البيت ما تناسبك لسببٍ ما، انسحب من الموقف عشان تستمتع براحة الجلسة في البيت أو بالإفطار مع الأهل والأصدقاء. على المستوى المادي، ممكن تحدّد بشكل مسبق عدد الدعوات اللي راح تقبلها واللي ممكن تستضيفها على حسابك هذا الشهر.
3. استفد
اختار هدف مالي معين عشان تحققه وسط أجواء رمضان الإيجابية.
لأنه شهر يعزّز شعورك بالاكتفاء والاستقرار والتشجيع، استفيد من أجواء رمضان عشان تأخذ خطوة مالية لقدام، مثل أنك تدّخر بشكل احتياطي عشان الصرفية الغير محسوبة أو تستغني عن المخاوف المالية ببركة هذا الشهر. ممكن أنك تستفيد من تعاون أفراد العائلة والاجتماع للإفطار عشان تعلّم أولادك الترشيد في الإنفاق والاستهلاك واكتشاف القيمة المعنوية للأشياء اللي ما تقدّر بثمن.
4. أعطِ
خصص مبلغاً من المال عشان تساعد الناس وابحث عن الفرص المناسبة.
وحدة من الطرق هي بركة العطاء لكن تتعدد أشكالها واللي ممكن تختارها حسب النعمة الأحب لقلبك. مثلاً، إذا كنت مقدر للدراسة أو الوظيفة اللي اخترتها، تبرّع لإحدى المبادرات التعليمية أو ساهم في أقساط أحد الطلاب. وإذا كانت اللمة العائلية أكبر أسباب فرحك، سوي إفطارات مجانية للعائلات المحتاجة أو ساعد كبار السن. بكذا أنت بتضاعف اندفاعك للعطاء وراح ينعكس عليك بشكل فرح يحفزّك على الإدارة المالية السليمة عشان تستمر بهذا العطاء.
5. استمتع
تذكّر أنّ هذه الأيام مباركة بصورة خاصة وأتمسّك بكل عائداتها عليك.
ممكن تحط آمال كبيرة على هذه الأيام بسبب القوة الداخلية والطاقة اللي تساهم في نشر الهدوء والسلام في ذاتك ومن حولك. استمتع بهذا الشهر واسمح له أن يغير نمط حياتك وأفكارك وراقب وتعلّم أشياء ما راح توصلها غير عن طريق الصوم والتعايش والمحبة. هي فترة مثالية عشان تختبر الغنى في حياة بسيطة، وتترك حساباتك تعيد نفسها وتسمح لخططك بأنها تلاقي طريقها لك.
5 نصائح مالية لكل فرحان برمضان
