كيف تختار التغطية التأمينية المناسبة لك ولسيارتك؟
تخيّل إنك تسوق سيارتك رايح الدوام وفجأة لقيت نفسك مضطر تغيّر مسارك عشان سيارة مسرعة ممكن تصدمك. أحياناً حتى لو إنك حاولت تبعد سيارتك، ممكن يصير حادث – لا قدر الله، وممكن تتحمل جزء من الخطأ خاصة إذا تضررت سيارة ثالثة بسببك. السؤال: ايش التأمين اللي يخفف عنك تحمل تكاليف تصليح سيارة ثانية أو حتى سيارتك؟ في الموضوع هذا راح نعرض لك الخيارات الموجودة عشان تعرف اختيار التأمين الأوفر واللي يناسب سيارتك.
أنواع وثائق تأمين السيارة:
1. التأمين الإلزامي (ضد الغير):
تأمين إجباري في نظام المرور السعودي، وهو إن مالك السيارة يأمّن سيارته ضد الأضرار اللي تصير للآخرين أو ممتلكاتهم بنسبة 100% بسبب حادث سيارته –لا قدر الله–. طبعاً هذا يكفيك من تحمل مسؤولية الأضرار اللي سببتها للغير وتتحملها شركة التأمين عنك لكن أنت تتحمل تكاليف الأضرار اللي صارت في سيارتك. التأمين هذا يكون أرخص من التأمين الشامل.
2. التأمين الشامل:
تأمين اختياري، يخلّيك تأمن سيارتك وأضرار ممتلكات الغير بسبب أي حادث أو مشكلة ميكانيكية بسبب سيارتك، بمعنى أنه حتى الأضرار اللي ما تكون من حادث للسيارة. وفي الغالب تشمل تغطية التأمين الشامل: تغطية تأمينية للمركبة المؤمن عليها، والمسؤولية تجاه الغير (الطرف الثالث)، وتغطية المصاريف العلاجية الطارئة، وأضرار حوادث السرقة والحريق، وهذا حسب الأحكام والشروط المذكورة في الوثيقة. ويعتمد سعره بشكل كبير على نوع السيارة وقيمتها، ويوفر مزايا أكثر من التأمين الإلزامي، والميزة الإضافية انه يعطيك خيارات لمزايا ثانية غير التغطية الأساسية للتأمين مقابل مبلغ إضافي.
مع أن التأمين الإلزامي أرخص إلا أن التأمين الشامل يكفيك من إنك تدفع تكاليف تصليح الصدمات اللي تصير في سيارتك. عشان كذا لازم تفكر لبعيد إذا جيت تختار وثيقة التأمين.
أربعة تغطيات إضافية تساعدك على التوفير:
1. تصليح بالوكالة
هذي خدمة لتصليح صدمات السيارة المؤمنة في الوكالة، بدل ما تصلحها في ورش غير معتمدة. وطبعاً تكلفة تصليح الوكالة تكون مرتفعة، والاشتراك في هذه الخدمة يغنيك عن إنك تتحمل تكلفة تصليح الوكالة المرتفعة.
2. الحوادث الشخصية
يغطي الإصابات الشخصية للسائق والركاب في أي حادث تشترك فيه السيارة المؤمن عليها، ويغطي المصاريف العلاجية الناتجة مباشرة عن الحادث.
3. توفير سيارة بديلة
تسدد عنك شركة التأمين قيمة إيجار سيارة بديلة إلى ما تطلع السيارة من الورشة أو الوكالة أو يصير تسوية للمطالبة، وممكن تكون بـ 100 ريال كل يوم على حسب الحد الأقصى المتفق عليه في الوثيقة.
4. التوسعة العمرية
تقدر تخلي الفئة العمرية للسائقين تشمل اللي أقل من 25 سنه وعنده رخصة قيادة سارية المفعول بمبلغ إضافي يكون على حسب الفئة العمرية اللي تختارها.
