هل حصل إنك أخذت بطاقة ائتمانية وحبيت العروض والخصومات اللي تجي معها ..تتسوق وتأكل وتسافر فيها، ولقيت نفسك بعد فترة متورط بديون البطاقة وما تقدر تسدد المبلغ اللي صرفته بسبب ظروف مادية صارت لك أو استخدامك الغلط للبطاقة حتى تراكمت عليكفوائد ورسوم تأخير والمبلغ اللي صرفته. في المقالة هذي راح نعطيك خطوات تخلصك من ديون البطاقات الائتمانية في أقرب وقت ممكن.
كيف تتخلص من ديون البطاقة الائتمانية؟
1. حدد عدد البطاقات الائتمانية
أول شي اعرف عدد البطاقات الائتمانية اللي تستخدمها، ومبلغ كل وحدة منها. عشان تعرف إجمالي ديون البطاقات الائتمانية اللي عليك بدون ما تنسى شي منها وتخلص من سالفة رسوم التأخير وتعرف البطاقات اللي ما تستخدمها أو اللي تقدر تستغني عنها.
2. شوف تواريخ الاستحقاق
حاول تستفيد من فترة السماح لتسديد المبلغ اللي على البطاقات الائتمانية واللي تكون ما بين 20 إلى 50 يوم من تاريخ تنفيذ آخر عملية، بحيث تشوف وش اللي موعد استحقاقها أقرب.
3. رتب البطاقات بحسب هامش ربح
من الأمور اللي ترتب عليها أولوية السداد بين بطاقاتك الائتمانية هي هامش الربح، يعني البطاقة اللي يكون هامش ربحها أعلى يكون لها الأولوية عشان تقلل تكلفة الدين.
4. اشترك في برنامج تقسيط
أغلب البطاقات الائتمانية يكون معها برامج تقسيط أو إمكانية إنك تسدد على دفعات بدون تكلفة إضافيةأو بهامش ربح بسيطمقارنة بهامش ربح البطاقة. هذا يعتبر حل ممتازعشان تقللالمبلغ اللي تدفعه وراح يعطيك وقت أكثر بحيث ما يصير عندك تعثر في سداد الديون.
5. سدد الحد الأدنى للمبلغ اللي صرفته
إذا ما قدرت تسدد كل المبلغ المستحق على البطاقة، على الأقل سدد الحد الأدنى اللي بيكون 5% من إجمالي المبلغ ويصير يحسب عليك فائدة على الرصيد الباقي حسب الاتفاقية مع البنك. وكل ما كان المبلغ المدفوع أكثر كل ما كانت قيمة الفائدة اللي تنحسب عليك أقل.
6. نظم نفقاتك الشهرية من جديد
شوف مصاريفك الشهرية ورتبها بحسب أولويتها مثل: الأكل، السكن، المواصلات.. إلخ. تقدر تستفيد من كشف البطاقة الائتمانية في تحديد هذي المصاريف وترتيبها، وراح تكتشف إن عندك بعض الأشياء اللي تقدر تستغني عنها، وهذا راح يوفر لك فائض تقدر تستفيد منه في تسديد الديون.
7. استفد من مدخراتك
إذا كان عندك مبلغ معين في حسابك تعتبره ادخار وهامش ربحه أقل بكثير من التكاليف اللي بتصير عليك بسبب الفائدة اللي على ديون البطاقة الائتمانية، راح تكون ذكي إذا استفدت من المبلغ فيإنك تتخلص من تراكم الديون بسبب الفائدة.
