في لغة الإدارة المالية، الادخار يساوي مراحل من الاستقرار وراحة البال للأفراد أو للعوائل. بمعنى أوضح، الادخار يعني أنه عندك حساب للطوارئ في حال أحتجت لمبلغ من المال. وهذا يعني أنك ما راح تكون تحت رحمة الدين وضغوطاته لأنّه في حسابك فائض. هذا برضو يعني أنه الهموم المادية ما راح تقلقك أو تطول سهراتك وتقدر أنك تدعم أولادك وأحبابك وقت الضرورة وأنك راح توصل لسن التقاعد مع الترتيبات اللازمة. كل هذا بالمختصر يعني أنك راح تكون مستقل بشكل مادي.
فكيف يمديك ترفع مستوى ادخارك في الأيام الجاية؟ عندك 3 طرق بسيطة جداً.
1. نظّم إنفاقك
بخصوص المدفوعات الجديدة، احرص أنك ما تدخلها في هذه الفترة لميزانيتك مثل تكاليف تغيير الديكور في البيت أو الالتزام باشتراكات منتظمة وغيرها من المشتريات الغير ضرورية اللي مداك تأجلها هذه الفترة. بخصوص المدفوعات السابقة، فقسّمها لنوعين: نوع يمديك تلغيها مثل بعض الأغذية الغالية ونوع ضروري راح ستحرص أنك تشتريها بأقل سعر ممكن. لكن أتذكّر في أنه هذه الحسابات تتعامل مع 80% فقط من مدخولك ويكون 10% إلى 20% منه في بداية كل شهر على شكل ادخار.
هل تعلم؟
وضحت الهيئة العامة للإحصاء في تحليل شامل على دخل ومصروف الأسرة السعودية أنه في وقت ما ارتفع معدل الدخل بنسبة 5.3% شهرياً في سنة واحدة ، ارتفع معاها الإنفاق بنسبة 38.6%، واللي يساوي 7 أضعاف.
2. تجنّب الوقوع في الدين
على عكس الادخار من راتبك مثل ما قلنا، الدين يساوي الإنفاق من راتبك الجاي. وهذا ممكن يعطّلك عن الادخار ويفرض عليك سداد مدفوعات جديدة بشكل منتظم، ويجعلك توقع في الديون بالمستقبل. عشان كدا ادرس قراراتك بشكل جيد، وتأكّد من ضرورة الحاجة اللي حتتدين عشانها وتنبه لشروط الدين وخصوصا الفوائد وطريقة تسديد الأقساط. أخيراً، لا تنسى البطاقة الائتمانية لأنه بالغالب بتكون طريقة سهلة عشان تصير مديون إذا ما سدّدت المبلغ في الوقت المحدد.
هل تعلم كمان؟
إذا شفنا القروض المصرفية بين سنة 2016 و2019، راح نحصل ارتفاع في القروض العقارية بنسبة 57.7% وفي قروض بطاقة الائتمان بنسبة 84.4%، وهو ارتفاع كبير جداً في 4 سنوات. أما في الربع الأول من سنة 2020 فارتفعت نسبة القروض بمعدل 16%.
3. ارفع وعيك المالي
الوعي المالي هو مجموعة من المعلومات والمهارات اللي تجعلك تآخذ قرارات مناسبة عشان تحقق أهدافك. عشان كدا اذا بتشتغل على تثقيف نفسك في الشؤون المالية، بتلاقي قدامك كثير من الطرق السهلة والفعالة عشان تدخر و يزيد إدراكك لأهمية تنظيم ميزانيتك عشان ما تصرف كل ما تملك. الثقافة المالية تشمل متابعتك لجديد الاقتصاد والتوجهات الاستهلاكية العامة عشان تقدر تفهم حيوية السوق، بكدا راح تكون استثماراتك بتكسبك بأكبر كمية ممكنة وتجعل مصروفك أقل كلفة. وفي الحالتين راح تقدر تدخر أكثر.
هل تعلم؟
وضّح استفتاء صار في يونيو 2020 أنه أكثر من 60% من السعوديين متفائلين للوضع الاقتصادي في المملكة بعد جائحة كورونا، ويعتقد 64% منهم أنه وضعهم المادي ما راح يتأثر بشكل سلبي لمدة أطول من 6 أشهر .يوضح بعض هذا التفاؤل كمية ثقة السعوديين للقوة الاقتصادية في المملكة، لكن هذا ما يعوّض الخطط الادخارية لكل فرد وأسرة.
إتقان الإدارة المالية مو صعب لكنه يحتاج لوقت وممارسة عشان تتأصّل فينا منهجية التفكير والسلوكيات الشرائية المناسبة، ونسويها في المستقبل بدون دون جهد في نفس الوقت للازم نختار نقطة البداية مهما كانت بسيطة مثل ادخار الفكات النقدية.
